Dr. Hivzi Muharremi është historian dhe kritik i artit, profesor në Albanian University, me përvojë të gjatë akademike, kërkimore dhe institucionale në fushën e arteve pamore. Studimet universitare në Historinë e Artit i përfundoi në Beograd më 1973, magjistraturën më 1986 dhe doktoratën më 1995. Gjatë karrierës së tij ka ushtruar funksione të rëndësishme drejtuese, përfshirë dekan i Fakultetit të Arteve në Universitetin e Prishtinës dhe dekan i Fakultetit të Shkencave të Aplikuara në Albanian University. Fushat e tij të ekspertizës përfshijnë historinë e artit, kritikën e artit, artin bashkëkohor dhe trashëgiminë kulturore. Është autor i monografive dhe teksteve universitare e shkollore, si dhe i mbi 800 kritikave, eseve dhe studimeve. Kontributi i tij shtrihet në nivel kombëtar dhe ndërkombëtar përmes botimeve, ligjëratave dhe veprimtarive shkencore e kulturore.