Prof. Asoc. Dr. Valbona Loshi ushtron veprimtarinë e saj si pedagoge që prej vitit 2003, kur u diplomua në degën “Gjuhë Angleze” në Universitetin e Tiranës. Aktualisht, ajo mban pozicionin e Dekanes së Fakultetit të Shkencave Shoqërore në Albanian University. 

Në vitin 2016 përfundoi studimet doktorale në fushën e “Psikolinguistikës dhe Edukimit”, ndërsa në vitin 2023 iu dha titulli akademik “Profesor i Asociuar” nga Fakulteti i Shkencave Shoqërore. 

Prej vitit 2023, Prof. Loshi është anëtare e Bordit të Jashtëm Këshillimor të NEOLAiA – Aleancës së Universiteteve Evropiane. Ajo është gjithashtu koordinatore e projekteve Erasmus+ CBHE dhe anëtare e Komitetit Editorial të revistës shkencore “Optime”. 

Gjatë periudhës 2019–2025, ka shërbyer si eksperte e jashtme pranë Agjencisë së Sigurimit të Cilësisë në Arsimin e Lartë (ASCAL).