Kërkimi ynë mbështetet në parime të cilat përfaqësojnë praktikat më të mira ndërkombëtare:
Zhvillimi i Kërkimit Shkencor me standarde të larta metodologjike dhe akademike, duke promovuar publikime cilësore, projekte konkurruese dhe zhvillim të vazhdueshëm të kapaciteteve kërkimore.
Respektimi i parimeve më të larta të etikës akademike, transparencës, përgjegjshmërisë dhe besueshmërisë në çdo fazë të kërkimit shkencor.
Mbështetja e shkencës së hapur përmes aksesit të lirë në publikime, ndarjes së të dhënave kërkimore, ripërdorimit të rezultateve dhe bashkëpunimit me komunitetin akademik ndërkombëtar.
Synimi që rezultatet e kërkimit të krijojnë ndikim të matshëm në zhvillimin ekonomik, social, kulturor dhe institucional duke kontribuar në politika publike, inovacion dhe mirëqenie.
Albanian University angazhohet në mënyrë të qëndrueshme për të ndërtuar një kulturë kërkimore të bazuar në cilësi, transparencë dhe bashkëpunim. Strategjia 2025–2029 përcakton një vizion të përbashkët për fuqizimin e rolit të universitetit në kërkimin shkencor, si aktor dinamik në sistemin arsimor dhe shkencor të vendit dhe të rajonit.
Objektivat synojnë mbështetjen e stafit akademik kërkimor, zhvillimin e projekteve kërkimore konkurruese, rritjen e publikimeve shkencore në revista me impakt të lartë dhe platforma të njohura shkencore. Forcimi i cilësisë dhe ndërkombëtarizimi i revistës shkencore OPTIME.
Nëpërmjet integrimit të kërkimit me mësimdhënien, universiteti synon të forcojë rolin e tij në krijimin dhe transmetimin e dijes.
Prioritetet tona përfshijnë zhvillimin e kapaciteteve kërkimore, fuqizimin e brezit të ri të studiuesve, digjitalizimin e proceseve shkencore, promovimin e shkencës së hapur dhe ndërtimin e partneriteteve strategjike me institucione akademike, publike dhe ndërkombëtare.